Valur og Breiðablik elstu liðin - Þau yngstu eru í vandræðum

Valur er með elsta lið Bestu deildarinnar og Breiðablik það næstelsta. Leifur Grímsson birtir á X reikningi sínum samantekt yfir meðalaldur í íslenska boltanum miðað við spilaðar mínútur.

Reynslan virðist vega þungt því Breiðablik er í öðru sæti deildarinnar og Valur í því þriðja en Víkingur, sem er með fjórða elsta liðið, trónir á toppnum.

Yngstu liðin eru hinsvegar í vandræðum í deildinni. Fylkir er með yngsta liðið og situr í neðsta sæti. HK er næstyngst og er tveimur stigum frá fallsæti.

Reynslan tryggir þó ekki árangur í deildinni eins og sést með KA sem situr í fallsæti þrátt fyrir að vera með eitt elsta lið deildarinnar.