Ion Perelló Machi mun leika með Þór næsta sumar en hann kom til félagsins frá Hetti/Huginn fyrir lok félagsskiptagluggans.
Hann, ásamt Alexander Má Þorlákssyni hafa gjörbreytt liði Þórs og eru þeir orðnir lykilmenn í liðinu eftir örfáar vikur hjá félaginu.
„Gríðarlega góður leikmaður og frábær karakter, mjög gott að vera búinn að tryggja hann fyrir næsta tímabil og Alexander verður líka áfram," sagði Þorlákur í viðtali við Fótbolta.net.
Alexander er sonur Þorláks en hann var spurður hvort það væri eitthvað tvísýnt hvort sonurinn yrði áfram.
„Nei hann fékk engu ráðið um það," sagði Þorlákur og glotti.
Athugasemdir