Miðjumaðurinn Nico Gonzalez er farinn út á lán til Valencia og framlengdi hann samninginn við Barcelona í leiðinni.
Nico er núna með samning til 2026 og gæti fengið mikilvægt hlutverk í liði Valencia sem er á mikilli niðurleið undir eignarhaldi Peter Lim, sem er vægast sagt hataður af stuðningsmönnum félagsins.
Hann er aðeins 20 ára gamall en spilaði þó 37 leiki fyrir Barca á síðustu leiktíð og á tíu leiki að baki fyrir yngri landslið Spánar.
Xavi hefur miklar mætur á Nico og hafði hugsað sér að nota hann á tímabilinu. Leikmaðurinn vill meiri spiltíma heldur en þann sem Barca getur boðið og krafðist þess að vera lánaður út.
Athugasemdir