Schalke 2 - 2 Borussia M'Gladbach
1-0 Rodrigo Zalazar ('29)
1-1 Jonas Hofmann ('72)
1-2 Marcus Thuram ('78)
2-2 Marius Bulter ('93, víti)
Schalke er búið að ná í sitt fyrsta stig frá endurkomunni upp í efstu deild þýska boltans. Það kom á heimavelli gegn sterku liði Borussia Mönchengladbach sem sigraði gegn Hoffenheim í fyrstu umferð.
Schalke, sem tapaði fyrsta leik tímabilsins gegn Köln, tók forystuna í fyrri hálfleik með marki frá Úrúgvæjanum Rodrigo Zalazar sem var í lykilhlutverki í liðinu á síðustu leiktíð.
Schalke var talsvert betra liðið í fyrri hálfleik og komst nálægt því að tvöfalda forystuna en það hafðist ekki og gestirnir frá Gladbach heppnir að vera ekki nema einu marki undir.
Vindurinn gjörbreyttist í síðari hálfleik og ákvað Marcus Thuram, sonur hins goðsagnakennda Lillian, að taka málin í sínar hendur. Hann lagði fyrst upp jöfnunarmarkið fyrir Jonas Hofmann og skoraði sjálfur skömmu síðar. Staðan var þá orðin 1-2 eftir 78 mínútur.
Heimamenn virtust ekki líklegir til að jafna leikinn fyrr en þeir fengu vítaspyrnu í uppbótartíma og skoraði Marius Bulter af vítapunktinum. NIðurstaðan 2-2 jafntefli þar sem Schalke átti fyrri hálfleikinn og Gladbach seinni. Heimamenn geta prísað sig sæla að hafa náð í stig úr því sem komið var.
Þýskaland
Bundesliga - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Bayern | 13 | 12 | 1 | 0 | 49 | 9 | +40 | 37 |
| 2 | RB Leipzig | 13 | 9 | 2 | 2 | 28 | 13 | +15 | 29 |
| 3 | Dortmund | 13 | 8 | 4 | 1 | 23 | 11 | +12 | 28 |
| 4 | Leverkusen | 13 | 7 | 2 | 4 | 28 | 19 | +9 | 23 |
| 5 | Hoffenheim | 13 | 7 | 2 | 4 | 25 | 19 | +6 | 23 |
| 6 | Stuttgart | 13 | 7 | 1 | 5 | 21 | 22 | -1 | 22 |
| 7 | Eintracht Frankfurt | 13 | 6 | 3 | 4 | 28 | 29 | -1 | 21 |
| 8 | Köln | 13 | 4 | 4 | 5 | 22 | 21 | +1 | 16 |
| 9 | Freiburg | 13 | 4 | 4 | 5 | 20 | 22 | -2 | 16 |
| 10 | Gladbach | 13 | 4 | 4 | 5 | 17 | 19 | -2 | 16 |
| 11 | Werder | 13 | 4 | 4 | 5 | 18 | 24 | -6 | 16 |
| 12 | Union Berlin | 13 | 4 | 3 | 6 | 16 | 22 | -6 | 15 |
| 13 | Hamburger | 13 | 4 | 3 | 6 | 14 | 20 | -6 | 15 |
| 14 | Augsburg | 13 | 4 | 1 | 8 | 17 | 27 | -10 | 13 |
| 15 | Wolfsburg | 13 | 3 | 3 | 7 | 17 | 23 | -6 | 12 |
| 16 | Heidenheim | 13 | 3 | 2 | 8 | 12 | 28 | -16 | 11 |
| 17 | St. Pauli | 13 | 2 | 2 | 9 | 11 | 25 | -14 | 8 |
| 18 | Mainz | 13 | 1 | 3 | 9 | 11 | 24 | -13 | 6 |
