13.08.22 - 13:56
Aksentije Milisic
Willum átti að byrja gegn PSV en getur það ekki
Willum í leik á undirbúningstímabilinu.
Mynd: Go Ahead Eagles
Willum í leik á undirbúningstímabilinu.
Mynd: Go Ahead Eagles
Willum Þór Willumsson, leikmaður Go Ahead Eagles, missir af leik liðsins gegn PSV í dag en liðin mætast klukkan 16:45 í hollensku úrvalsdeildinni.
Samkvæmt heimildum Fótbolta.net átti Willum að vera í byrjunarliði Eagles en hann hefur dregið sig úr hópnum. Willum fékk spark í hásinina í síðasta leik liðsins og því verður hann ekki með í leiknum í dag.
Willum var í byrjunarliði Go Ahead Eagles sem tapaði fyrir AZ Alkmaar í fyrstu umferð deildarinnar en þar var hann að þreyta frumraun sína með liðinu.
Willum kom til liðsins frá BATE í Hvíta-Rússlandi í sumar en hann hafði spilað mjög vel á undirbúningstímabilinu í Hollandi.
