Birkir Valur
Ómar Ingi.
Ómar Ingi Guðmundsson, þjálfari HK, staðfestir í samtali við Fótbolta.net að Birkir Valur Jónsson sé ekki á förum frá HK í dag.
Birkir Valur Jónsson, leikmaður HK, er skotmark FH. Frá því greindi Hjörvar Hafliðason fyrr í dag. Hann sagði að FH væri búið að tryggja sér þjónustu hans sem má skilja á þann hátt að Birkir sé búinn að skrifa undir samning við FH sem tekur gildi eftir tímabilið.
Hann sagði einnig að FH væri að reyna fá hann strax í dag, svo hann myndi spila með FH út þetta tímabil.
Birkir Valur Jónsson, leikmaður HK, er skotmark FH. Frá því greindi Hjörvar Hafliðason fyrr í dag. Hann sagði að FH væri búið að tryggja sér þjónustu hans sem má skilja á þann hátt að Birkir sé búinn að skrifa undir samning við FH sem tekur gildi eftir tímabilið.
Hann sagði einnig að FH væri að reyna fá hann strax í dag, svo hann myndi spila með FH út þetta tímabil.
„Hann fer ekki," segir Ómar.
Er einhver sem gæti farið frá HK?
„Nei," svaraði þjálfarinn.
Það Birkir Valur sé ekki á förum í dag eru góðar fréttir fyrir HK því hann er algjör lykilmaður í liðinu.
Ómar er í leit að leikmanni, en segir lítið að frétta í þeim efnum á þessum tímapunkti.
„Það er búinn að fara mikill tími í að fyrst finna markmann. Svo erum við með lánsmann frá Val (Þorstein Aron Antonsson) sem maður óttaðist að gæti verið kallaður til baka. Á sama tíma erum við með lánsmann hjá ÍBV (Eið Atla Rúnarsson) sem það hefði getað haft keðjuverkandi áhrif á. Svo kemur þetta upp með Birki Val sem svo verður ekkert úr."
„Því miður þá hefur því mikið af tímanum farið í það hvort við getum brugðist við því ef einhver færi, frekar en endilega að skoða viðbætur."
„Við höfum samt verið að vinna í því á sama tíma og eins og ég sagði eftir leikinn gegn Val þá höfum við verið að skoða hvað sé gerlegt og hvað ekki. Sú vinna heldur áfram þangað til að útséð verður um hvort við getum fengið einhvern eða ekki. Við erum klárlega að líta í kringum okkur og skoða hvað er í boði. Það er öruggt að enginn fer héðan, en það er ekki víst hvort það komi einhver inn," segir Ómar.
HK er 11. sæti Bestu deildarinnar, með lakari markatölu en Vestri sem er í sætinu fyrir ofan.
Besta-deild karla
| Lið | L | U | J | T | Mörk | mun | Stig |
|---|---|---|---|---|---|---|---|
| 1. Víkingur R. | 21 | 14 | 4 | 3 | 50 - 23 | +27 | 46 |
| 2. Breiðablik | 21 | 14 | 4 | 3 | 48 - 25 | +23 | 46 |
| 3. Valur | 21 | 10 | 5 | 6 | 49 - 32 | +17 | 35 |
| 4. FH | 21 | 9 | 5 | 7 | 36 - 35 | +1 | 32 |
| 5. ÍA | 21 | 9 | 4 | 8 | 40 - 31 | +9 | 31 |
| 6. Stjarnan | 21 | 9 | 4 | 8 | 39 - 35 | +4 | 31 |
| 7. KA | 21 | 7 | 6 | 8 | 32 - 37 | -5 | 27 |
| 8. Fram | 21 | 7 | 5 | 9 | 28 - 29 | -1 | 26 |
| 9. KR | 21 | 5 | 6 | 10 | 34 - 42 | -8 | 21 |
| 10. HK | 21 | 6 | 2 | 13 | 23 - 51 | -28 | 20 |
| 11. Vestri | 21 | 4 | 6 | 11 | 22 - 42 | -20 | 18 |
| 12. Fylkir | 21 | 4 | 5 | 12 | 26 - 45 | -19 | 17 |
Athugasemdir
