13.08.24 - 13:30
Sæbjörn Þór Þórbergsson Steinke
Íslensk félög reynt að fá Samúel Kára - Ætlar að vera áfram úti
Mynd: Fótbolti.net - Hafliði Breiðfjörð
Mynd: Fótbolti.net - Hafliði Breiðfjörð
Félög í Bestu deildinni hafa samkvæmt heimildum Fótbolta.net sett sig í samband við Samúel Kára Friðjónsson og reynt að fá hann í sínar raðir. Samúel er án félags eftir að samningur hans við Atromitos í Grikklandi rann út í sumar.
Það er hins vegar hugur Samúels að spila áfram erlendis og er áhugi á honum frá tveimur löndum. Annað landið er Þýskaland en þar þekkir Samúel ágætlega til eftir að hafa leikið með Paderborn árið 2020.
Ólafur Garðarsson, umboðsmaður Samúels, staðfestir í samtali við Fótbolta.net að viðræður séu í gangi við tvö erlend félög.
Það er hins vegar hugur Samúels að spila áfram erlendis og er áhugi á honum frá tveimur löndum. Annað landið er Þýskaland en þar þekkir Samúel ágætlega til eftir að hafa leikið með Paderborn árið 2020.
Ólafur Garðarsson, umboðsmaður Samúels, staðfestir í samtali við Fótbolta.net að viðræður séu í gangi við tvö erlend félög.
Samúel er 28 miðjumaður sem leikið hefur erlendis frá því að hann yfirgaf uppeldisfélagið Keflavík árið 2013. Hann fór í akademíuna hjá Reading og fór svo þaðan til Noregs, lék með Vålerenga og Viking áður en hann hélt til Þýskalands. Hann var svo í tvö ár hjá Viking áður en hann samdi við Atromitos í Grikklandi.
Samúel á að baki átta landsleiki og var m.a. hluti af lokahópnum sem fór á HM 2018. Hann var síðast í landsliðshópnum í september árið 2020.
Samúel á að baki átta landsleiki og var m.a. hluti af lokahópnum sem fór á HM 2018. Hann var síðast í landsliðshópnum í september árið 2020.
