Furðulegar lokamínútur hjá Fulham og Malaga - Tók vítaspyrnu í autt mark

Gonzalo Garcia gekk til liðs við Fulham fyrr í sumar.

Mynd: Fulham

Arbeloa fékk að líta rauða spjaldið undir lok leiks.

Mynd: EPA

Gonzalo Garcia gekk til liðs við Fulham fyrr í sumar.

Mynd: Fulham

Það var vægast sagt áhugaverður endir á æfingaleik Fulham og Malaga sem fram fór á Spáni í gær.

Eftir venjulegan leiktíma var staðan jöfn og héldu Arbeloa, sem hafði fengið að líta rauða spjaldið á lokamínútunum, og lærisveinar hans hjá Fulham beint inn í klefa.

Spænska liðið var hins vegar ekki á sama máli og taldi að vítaspyrnukeppni þyrfti til að útkljá sigurvegara, enda Costa del Sol-bikarinn í húfi.

Áhorfendur biðu því eftir vítaspyrnukeppni þegar spænski framherjinn Eneko Jauregi tók málin í sínar eigin hendur. Hann lagði boltann á vítapunktinn og skoraði í autt mark Fulham.

Við það fögnuðu stuðningsmenn Málaga og Jauregi fagnaði með liðsfélögum sínum. Leikurinn fór fram á heimavelli Malaga.

Í tilkynningu eftir leik hélt Fulham því hins vegar fram að bæði lið hefðu fyrir leikinn samþykkt að viðureigninni myndi ljúka með jafntefli án vítaspyrnukeppni ef staðan væri jöfn að loknum venjulegum leiktíma.

???? Insólito final en el amistoso entre el Málaga 2-2 Fulham

???? Arbeloa fue expulsado del partido tras protestar una jugada y el equipo inglés se retiró del campo sin disputar los penaltis

????? El Málaga ha confirmado que no estaba en el contrato los penaltis y que, de haberlos… pic.twitter.com/Pfpxp0Ie1g
— El Partidazo de COPE (@partidazocope) August 12, 2026

Thank you for your excellent support in Malaga this evening! ????

We can confirm that prior to the match, both teams agreed that there would not be a penalty shootout in the event of a draw. pic.twitter.com/E0O9I0OHqR
— Fulham Football Club (@FulhamFC) August 12, 2026

Arbeloa fékk að líta rauða spjaldið undir lok leiks.

Mynd: EPA