Fótbolti.net

Ólafur Ingi: Draumastaða er bara þrjú stig

Sviptu hulunni af Loga Ólafs sem sagði af sér um leið

Höskuldur: Ég er mikill unnandi Loga sem persónu og leikmanns

Árni Guðna: Aldrei spurning þegar kallið kom héðan

Jói Kalli: Langaði ekki að vera lengur einn úti

Alex Freyr: Tók eitt símtal frá Davíð Smára

Sá fyrir sér að spila allan ferilinn með Völsungi en fetar í spor föður síns

Útskýrir af hverju hann er orðinn þjálfari Sindra: Ákvað að hætta í janúar

„Vissi að það yrði erfitt að kveðja en varð mun erfiðara en ég átti von á"

29 ára þjálfari í efstu deild - „Frábært að koma inn í svona stórt félag"

Lítur á HK sem klárt skref upp á við - „Kitlar egóið að vera í þannig stöðu"

Sverrir spenntur fyrir framtíðinni: Við erum með mjög gott lið

Elías Rafn: Eigum ekki að fá á okkur svona einföld mörk

Hákon Arnar: Mun taka tíma að jafna sig á þessu

Guðlaugur Victor: Trúði ekki þessari vörslu

Brynjólfur: Áfram gakk og við förum á næsta stórmót

Jón Dagur um að HM draumurinn sé horfinn: Gríðarleg vonbrigði

Ísak Bergmann: Þetta er bara okkar Króatía

Hilmar Jökull: Verðum í bullandi minnihluta en það verður fjör

Toddi: Ef við byrjum eins og í Bakú þá eigum við góða möguleika

mán 13. september 2021 22:27

Sæbjörn Þór Þórbergsson Steinke

„Gætu orðið mjög góðir leikmenn fyrir Stjörnuna til framtíðar"

Toddi gat séð það jákvæða þrátt fyrir stórt tap

Þorvaldur Örlygsson

Mynd: Fótbolti.net - Sævar Geir Sigurjónsson

„Við áttum svo sem skilið að tapa leiknum í dag. Eina sem er, að í leik sem er jafn, fá þeir aukaspyrnu sem er ekki aukaspyrna sem þeir skora gott mark úr. Mér fannst dómurinn þegar Eggert fékk rautt spjald vera harður dómur. Ef þetta er línan, hún er samt rosalega misjöfn eftir því hvaða dómari er að dæma, þá hefðum við átt að sjá fleiri rauð spjöld í sumar," sagði Þorvaldur Örlygsson, þjálfari Stjörnunnar, eftir stórt tap gegn FH í kvöld.

Lestu um leikinn: Stjarnan 0 - 4 FH

„Eftir að þeir komust í 2-0 þá var rosalegt basl á okkur að koma okkur af stað en inn á milli spiluðum við ágætlega. Það var gaman að sjá nokkra stráka sem við settum inn í dag og við munum halda því áfram. Ég hefði viljað meiri kraft í okkar leik á köflum."

Þorvaldur kom þá inn á meiðslastöðuna en ofan á fyrri meiðsli þá meiddust Elís Rafn Björnsson og Oliver Haurits í leiknum.

„... að sama skapi þá höfum við safnað stigum og það eru ungir leikmenn sem fá reynslu, fá að spila og vonandi að þessir strákar munu halda sér við efnið og gætu orðið mjög góðir leikmenn fyrir Stjörnuna til framtíðar."

Næsta rúma mínútan fór svo í ástandið á leikmannahópi liðsins og má sjá það í spilaranum hér að ofan.

Hvað með framhaldið, hvað viltu fá út úr síðustu tveimur leikjunum? „Ellefu leikmenn inn á völlinn, að við leggjum okkur fram og höldum áfram að gera það sem við höfum gert. Leikmenn hafa verið með gott hugarfar í baráttu sem þeir komu sér í og líka kannski af öðrum ástæðum. Þeir hafa staðað sig vel í því."

Lokaspurningin var út í ungu strákana. Fimm leikmenn fæddir árið 2003 og síðar komu við sögu í liði Stjörnunnar í kvöld. Ertu sáttur við þeirra frammistöðu í heild (ekki bara í þessum leik)?

„Þetta eru kornungir strákar, við erum með stráka inn á fædda 2003-2005 sem eru að stíga sín fyrstu skref. Sumir eru í 3. flokki ennþá og sumir eru nýkomnir upp úr 3. flokki en eru búnir að standa sig gríðarlega vel með 2. flokki og líka með okkur. Þetta er reynsla og vonandi geta þeir bætt sig. Það er alltaf gleðiefni fyrir félag að fá einn og einn en við erum að fá nokkuð marga. Það er vonandi að þeir taki það með opnum örmum og haldi áfram," sagði Toddi að lokum.

Viðtalið í heild má sjá í spilaranum að ofan.