Andy Pew og Ingi Rafn í Selfoss (Staðfest) - Níu ungir sömdu

Andy hóf ferill sinn hjá Everton en hann hefur einnig leikið með Tranmere Rovers, Chester City og Colwyn Bay.

,,Ég hef beðið lengi eftir því að komast aftur í Selfosstreyjuna og er mjög stoltur af því að hafa samið við félagið. Mér líst vel á hópinn og það eiga fleiri leikmenn eftir að bætast við svo að mér lýst vel á komandi keppnistímabil. Verkefni sumarsins er að koma liðinu aftur á þann stað sem það á að vera - í Pepsi-deildinni,\" sagði Andy í samtali við sunnlenska.is eftir að hann skrifaði undir í dag.

Þá endurnýjaði Ingi Rafn Ingibergsson samning sinn við Selfoss um eitt ár en hann var lánaður til Ægis í fyrrasumar og var einn af markahæstu leikmönnum 3. deildarinnar. Ingi lék áður með Selfyssingum, til ársins 2005 þegar hann skipti yfir í ÍBV og lék með Eyjamönnum í fjögur tímabil.

Auk þess skrifuðu níu ungir leikmenn undir þriggja ára samning við Selfyssinga í dag en flestir þeirra eru ennþá í 2. flokki.

Það voru þeir Sindri Pálmason, Vigfús Blær Ingason, Gunnar Hallgrímsson, Svavar Berg Jóhannsson, Ingvi Rafn Óskarsson, Markús Árni Vernharðsson, Sindri Rúnarsson, Þorsteinn Daníel Þorsteinsson og Magnús Ingi Sveinsson.