Völlur Tranmere á floti - Leiknum gegn Watford frestað

Óveðurslægð sem hefur hlotið nafnið Brendan hefur verið að ganga yfir Bretlandseyjar og haft talsverðar afleiðingar.

Það er allt á floti á Prenton Park, heimavelli C-deildarliðsins Tranmere.

Tranmere átti að leika endurtekinn bikarleik gegn úrvalsdeildarliðinu Watford í kvöld en leiknum hefur verið frestað vegna mikillar bleytu.

Vallarstarfsmenn hafa unnið hörðum höndum í að reyna að gera völlinn leikfæran fyrir kvöldið en það tókst ekki.