banner
   fös 14. febrúar 2020 21:54
Ívan Guðjón Baldursson
England: Markalaust hjá Wolves og Leicester
Choudhury var ekki sáttur þegar hann sá seinna gula spjaldið fara á loft.
Choudhury var ekki sáttur þegar hann sá seinna gula spjaldið fara á loft.
Mynd: Getty Images
Wolves 0 - 0 Leicester:
Rautt spjald: Hamza Choudhury, Leicester ('76)

Wolves og Leicester mættust í Evrópuslag í fyrsta leik helgarinnar í ensku úrvalsdeildinni.

Leikurinn var tíðindalítill og einkenndist af miklu miðjumoði þar sem hvorgt lið gaf mikið af færum á sig.

Bæði lið áttu marktilraunir en ekkert markvert gerðist fyrr en undir lok fyrri hálfleiks þegar Willy Boly skallaði knöttinn í netið. Markið var þó dæmt af með myndbandstækni vegna rangstöðu.

Á 76. mínútu fékk Hamza Choudhury sitt annað gula spjald og var sendur í sturtu. Hann rann til með boltann á miðjunni, missti hann frá sér og felldi Leander Dendoncker klaufalega í leiðinni.

Adama Traore hafði komið inn af bekknum tíu mínútum fyrr og reyndist hann hættulegur á lokakaflanum, en inn vildi boltinn ekki. Raul Jimenez fékk frábær skallafæri undir lokin án þess þó að koma knettinum í netið. Hann gæti átt erfitt með svefn í nótt.

Lokatölur urðu því 0-0 og er Leicester með 50 stig í þriðja sæti deildarinnar. Úlfarnir eru með 36 stig í sjöunda sæti, þremur stigum frá Evrópusæti.
Stöðutaflan England Premier league - karlar
  L U J T ms: mf: mun Stig
1 Arsenal 28 20 4 4 70 24 +46 64
2 Liverpool 28 19 7 2 65 26 +39 64
3 Man City 28 19 6 3 63 28 +35 63
4 Aston Villa 29 17 5 7 60 42 +18 56
5 Tottenham 28 16 5 7 59 42 +17 53
6 Man Utd 28 15 2 11 39 39 0 47
7 West Ham 29 12 8 9 46 50 -4 44
8 Brighton 28 11 9 8 50 44 +6 42
9 Wolves 28 12 5 11 42 44 -2 41
10 Newcastle 28 12 4 12 59 48 +11 40
11 Chelsea 27 11 6 10 47 45 +2 39
12 Fulham 29 11 5 13 43 44 -1 38
13 Bournemouth 28 9 8 11 41 52 -11 35
14 Crystal Palace 28 7 8 13 33 48 -15 29
15 Brentford 29 7 5 17 41 54 -13 26
16 Everton 28 8 7 13 29 39 -10 25
17 Luton 29 5 7 17 42 60 -18 22
18 Nott. Forest 29 6 7 16 35 51 -16 21
19 Burnley 29 4 5 20 29 63 -34 17
20 Sheffield Utd 28 3 5 20 24 74 -50 14
Athugasemdir
banner
banner
banner
banner