Lengjubikarinn: Hilmar Árni afgreiddi Fjölni

Hilmar Árni Halldórsson lék á als oddi er Stjarnan lagði Fjölni að velli í Lengjubikarnum fyrr í kvöld.

Hilmar skoraði beint úr aukaspyrnu fyrir leikhlé og innsiglaði sigur Garðbæinga eftir stoðsendingu frá Emil Atlasyni snemma í síðari hálfleik. Emil kom frá HK í vetur.

Hann komst nálægt því að bæta við þriðja markinu undir lokin en skaut þá í stöng úr aukaspyrnu.

FH lagði þá Þrótt R. að velli á sama tíma.