Lið 2. umferðar: Ungt og efnilegt lið í bland við reynslu

Jón Sveinsson þjálfari Fram er þjálfari umferðarinnar. Í liðinu eru einnig þeir Hlynur Atli Magnússon og Unnar Steinn Ingarsson leikmenn Fram.

Á Ásvöllum gerðu Haukar og Víkingur Ólafsvík markalaust jafntefli í tíðindalitlum leik. Óskar Sigþórsson er í markinu og í vörninni er Emmanuel Eli Keke leikmaður Víkings Ó.

Rúnar Þór Sigurgeirsson er í liði umferðarinnar aðra umferðina í röð en hann átti góðan leik í 3-1 sigri á Magna. Þrátt fyrir tap átti Bjarni Aðalsteinsson góðan leik í liði Magna.

Þá var Ásgeir Örn Arnþórsson besti leikmaður vallarins í 2-1 sigri Aftureldingar á Leikni R. og kantmaðurinn ungi, Djorde Panic var sprækur á kantinum hjá Mosfellingum.

Jóhann Helgi Hannesson er í fremstu víglínu en hann var allt í öllu í sóknarleik Þórs í 2-0 sigri á Njarðvík.

Í 2-2 jafnteflisleik Gróttu og Þróttar voru það Ágúst Leó Björnsson og Axel Sigurðarson sem voru bestu menn vallarins.

Sjá fyrri lið umferðarinnar:
Lið 1. umferðar