Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
   fim 14. maí 2020 08:08
Elvar Geir Magnússon
Biður stuðningsmenn Newcastle um að berjast gegn yfirtökunni
Hatice Cengiz og Jamal Khashoggi.
Hatice Cengiz og Jamal Khashoggi.
Mynd: Hatice Cengiz / Google
Mohammed bin Salman.
Mohammed bin Salman.
Mynd: Getty Images
Hatice Cengiz hefur skrifað opið bréf til stuðningsmanna Newcastle þar sem hún biður þá um að reyna að verja félagið og koma í veg fyrir yfirtöku frá Sádi-Arabíu.

Cengiz var eiginkona blaðamannsins Jamal Khasoggi sem var myrtur í Istanbúl en talið er að Sádi-arabíski krónprinsinn Mohammed bin Salman hafi verið á bak við morðið.

Bin Salman leiðir hópinn sem er nálægt því að ganga frá kaupum á Newcastle.

„Þið sem dyggir stuðningsmenn hafið sterka rödd í þessum málum. Ég boð ykkur um að hugsa út í það hvort það sé rétta leiðin fyrir ykkar félag og ykkar borg að taka tilboði frá Mohammed bin Salman," skrifar Cengiz en hún hefur áður skrifað til ensku ríkisstjórnarinnar og ensku úrvalsdeildarinnar vegna málsins.

„Ég bið ykkur um að sameinast um að vernda félagið sem þið elskið og borgina frá krónprinsinum og hans mönnum. Þeir vilja ekki kaupa félagið til að hjálpa ykkur og með ykkar hagsmuni í huga heldur bara fyrir eigin hagsmuni. Hjarta þeirra verður ekki hjá félaginu."

„Ég hvet ykkur til að senda þessi skilaboð hátt og snjallt til ensku úrvalsdeildarinnar, til stjórnar félagsins, til leiðtoga borgarinnar og til heimsbyggðarinnar. Við skulum ekki láta skugga falla á hina fallegu íþrótt fótbolta."

Khashoggi var blaðamaður frá Sádi-Arabíu sem var búsettur í Bandaríkjunum og sérhæfði sig í skrifum um stjórnarhætti í Sádi-Arabíu. Í október 2018 fór hann inn í sendiráð Sádi-Arabíu í Istanbúl til að sækja pappíra til að giftast Cengiz. Hún beið út í bíl en unnusti hennar kom ekki út aftur. Hann var myrtur í sendiráðinu.


Athugasemdir
banner
banner
banner
banner
banner