banner
   fim 14. maí 2020 19:30
Ívan Guðjón Baldursson
Bild: Norwich fær Sebastian Soto í sumar
Mynd: Getty Images
Þýski miðillinn Bild greinir frá því að bandaríski sóknarmaðurinn Sebastian Soto muni skipta yfir til Norwich City í sumar.

Hinn 19 ára gamli Soto er hjá Hannover í þýsku B-deildinni en hefur fengið lítið af tækifærum á tímabilinu. Hann hefur gert ellefu mörk í fimmtán landsleikjum fyrir U19 og U20 lið Bandaríkjanna og þykir mikið efni.

Soto skrifar undir þriggja ára samning við Norwich en mun líklega ekki fá atvinnuleyfi á Englandi og verður því lánaður strax út. Soto verður tvítugur í júlí og er mikill áhugi á honum frá félögum í Hollandi og Belgíu.

Ef frétt Bild reynist rétt verður Soto annar leikmaðurinn til að semja við Norwich í kórónuveirunni eftir að Danel Sinani skrifaði undir samning í apríl.
Athugasemdir
banner
banner
banner
banner
banner