Byrjunarlið Keflavíkur og FH: Með bandið gegn uppeldisfélaginu

Búið er að opinbera byrjunarliðin fyrir leik Keflavíkur og FH sem hefst núna klukkan 17:00 á HS Orku-vellinum í Keflavík.

Keflavík, sem er í sjöunda sæti, tapaði óvænt 6-1 gegn ÍBV í síðasta leik sínum. Frá þeim leik gerir Haraldur Freyr Guðmundsson tvær breytingar. Ernir Bjarnason og Alpha Conteh koma inn í byrjunarliðið fyrir Axel Inga Jóhannesson og Dag Inga Valsson.

FH, sem er á botninum með tvö stig, mætir með nákvæmlega sama lið og í 0-1 tapinu gegn ÍA í síðustu umferð. Ísak Óli Ólafsson er með fyrirliðabandið en hann er að mæta uppeldisfélagi sínu í dag.