14.07.14 - 22:33
Brynjar Ingi Erluson
Scolari hættur með brasilíska landsliðið (Staðfest)


Mynd: Getty Images


Mynd: Getty Images
Luiz Felipe Scolari er hættur sem þjálfari brasilíska landsliðsins en brasilíska knattspyrnusambandið greinir frá þessu á heimasíðu sinni í kvöld.
Scolari, sem er 65 ára gamall, var talinn hafa sagt af sér snemma í morgun eftir að Brasilíu mistókst að vinna HM í heimalandinu.
Brasilía fékk skell í undanúrslitum mótsins þar sem liðið tapaði 7-1 fyrir Þýskalandi sem fór alla leið í keppninni.
Liðið tapaði þá 3-0 fyrir Hollandi í leik um þriðja sæti mótsins en í kjölfarið af því sagði Scolari af sér í dag.
Þetta var í annað sinn á ferlinum sem Scolari þjálfar brasilíska landsliðið en síðast varð hann heimsmeistari með liðið árið 2002. Þá hefur hann einnig þjálfað Chelsea í ensku úrvalsdeildinni og portúgalska landsliðið.
Óvíst er hver tekur við brasilíska liðinu af honum en ljóst er að knattspyrnusambandið þarf að finna annan í hans stað.
Brasilía fékk skell í undanúrslitum mótsins þar sem liðið tapaði 7-1 fyrir Þýskalandi sem fór alla leið í keppninni.
Liðið tapaði þá 3-0 fyrir Hollandi í leik um þriðja sæti mótsins en í kjölfarið af því sagði Scolari af sér í dag.
Þetta var í annað sinn á ferlinum sem Scolari þjálfar brasilíska landsliðið en síðast varð hann heimsmeistari með liðið árið 2002. Þá hefur hann einnig þjálfað Chelsea í ensku úrvalsdeildinni og portúgalska landsliðið.
Óvíst er hver tekur við brasilíska liðinu af honum en ljóst er að knattspyrnusambandið þarf að finna annan í hans stað.
