Lið og leikmaður 13. umferðar - Markahæstur eftir þrennu á Húsavík

Afturelding á tvo aðra fulltrúa í úrvalsliðinu en það eru Birkir Már Sævarsson og Bjartur Bjarmi Barkarson sem skoraði eitt mark.

Fylkir, sem er í öðru sæti, gerði sér lítið fyrir og vann 5-2 útisigur gegn Vestra í gær. Heimir Guðjónsson setti leikinn vel upp og er þjálfari umferðarinnar. Guðmundur Tyrfingsson skoraði tvö mörk og er í liði umferðarinnar en Máni Austmann Hilmarsson skoraði einnig tvö og er óheppinn að missa af sæti í liðinu.

Þróttur, sem er í þriðja sæti, missteig sig í Breiðholtinu og gerði jafntefli 1-1 gegn tíu ÍR-ingum. Ágúst Unnar Kristinsson úr ÍR er valinn í lið umferðarinnar.

HK vann 4-3 útisigur gegn Ægi í mögnuðum leik. Karl Ágúst Karlsson var valinn maður leiksins en hann skoraði glæsilegt mark sem var valið mark umferðarinnar. Dominik Radic skoraði tvö mörk og er næstmarkahæstur í deildinni, með 9 mörk.

Njarðvík vann grannaslaginn gegn Grindavík 5-4 í ótrúlegum leik. Leandro Fernandes steig loks upp í liði Njarðvíkinga og skoraði tvö mörk og var maður leiksins. Hinn 18 ára gamli Gunnleifur Orri Gunnleifsson skoraði tvö mörk fyrir Grindavík.

Tristan Freyr Ingólfsson í Gróttu var valinn maður leiksins í naumum 1-0 sigri gegn Leikni í Breiðholtinu. Guðmundur Rafn Ingason er einnig í úrvalsliðinu.

Fyrri úrvalslið:
12. umferð - Andri Freyr Jónasson - Grótta
11. umferð - Birkir Már Sævarsson - Afturelding
10. umferð - Edson - Vestri
9. umferð - Elfar Árni Aðalsteinsson - Völsungur
8. umferð - Sigurður Egill Lárusson - Þróttur
7. umferð - Andi Hoti - Afturelding
6. umferð - Jordan Adeyemo - Ægir
5. umferð - Mattías Kjeld - Grótta
4. umferð - Svavar Örn Þórðarson - HK
3. umferð - Ibrahima Balde - Vestri
2. umferð - Kári Sigfússon - Fylkir
1. umferð - Stefán Þór Pálsson - ÍR