Dybala framlengir við Roma (Staðfest)
Mynd: EPA
Mynd: EPA
Argentínski sóknarmaðurinn Paulo Dybala hefur framlengt samning sinn við ítalska félagið Roma um eitt tímabil.
Samningur Paulo Dybala við Roma rann út um síðustu mánaðamót, en Argentínumaðurinn hélt áfram viðræðum við félagið um framlengingu.
Boca Juniors hafði verið orðað við Dybala, en þessi 32 ára sóknarmaður ákvað að vera áfram í Róm. Hann hefur skrifað undir nýjan eins árs samning og er nú samningsbundinn Roma til sumarsins 2027. Félagið tilkynnti tíðindin í gær.
Dybala hefur verið í lykilhlutverki hjá Roma frá því hann kom frá Juventus sumarið 2022. Hann hefur leikið 140 leiki fyrir félagið í öllum keppnum og skorað í þeim 45 mörk.
Síðasta tímabil var þó erfitt hjá honum vegna meiðsla. Dybala gekkst undir aðgerð á hné í mars og var frá keppni í einn og hálfan mánuð, en sneri aftur undir lok tímabils og lagði upp fjögur mörk sem hjálpaði Roma að komast aftur í Meistaradeild Evrópu.
Framlengingin eru gleðitíðindi fyrir Dybala og stuðningsmenn Roma, enda enn mikil gæði í Argentínumanninum. Hann hefur leikið á Ítalíu frá árinu 2012, fyrst með Palermo áður en hann sló í gegn hjá Juventus og gekk síðar til liðs við Roma.
Dybala var hluti af argentínska landsliðinu sem varð heimsmeistari árið 2022 og vann Finalissima sama ár. Honum hefur þó reynst erfitt að festa sig í sessi í landsliðinu til lengri tíma, ekki síst þar sem hann gegnir svipuðu hlutverki og Lionel Messi. Lionel Scaloni hefur jafnframt horft í auknum mæli til yngri leikmanna á borð við Nico Paz.
Boca Juniors hafði verið orðað við Dybala, en þessi 32 ára sóknarmaður ákvað að vera áfram í Róm. Hann hefur skrifað undir nýjan eins árs samning og er nú samningsbundinn Roma til sumarsins 2027. Félagið tilkynnti tíðindin í gær.
Dybala hefur verið í lykilhlutverki hjá Roma frá því hann kom frá Juventus sumarið 2022. Hann hefur leikið 140 leiki fyrir félagið í öllum keppnum og skorað í þeim 45 mörk.
Síðasta tímabil var þó erfitt hjá honum vegna meiðsla. Dybala gekkst undir aðgerð á hné í mars og var frá keppni í einn og hálfan mánuð, en sneri aftur undir lok tímabils og lagði upp fjögur mörk sem hjálpaði Roma að komast aftur í Meistaradeild Evrópu.
Framlengingin eru gleðitíðindi fyrir Dybala og stuðningsmenn Roma, enda enn mikil gæði í Argentínumanninum. Hann hefur leikið á Ítalíu frá árinu 2012, fyrst með Palermo áður en hann sló í gegn hjá Juventus og gekk síðar til liðs við Roma.
Dybala var hluti af argentínska landsliðinu sem varð heimsmeistari árið 2022 og vann Finalissima sama ár. Honum hefur þó reynst erfitt að festa sig í sessi í landsliðinu til lengri tíma, ekki síst þar sem hann gegnir svipuðu hlutverki og Lionel Messi. Lionel Scaloni hefur jafnframt horft í auknum mæli til yngri leikmanna á borð við Nico Paz.
