Líkleg byrjunarlið KR og FH

Finnur Tómas Pálmason og Arnór Sveinn Aðalsteinsson, sem mynduðu miðvarðapar KR í fyrra, voru klárir eftir meiðsli í síðasta leik gegn Fjölni og þeir spiluðu saman þar. Mesta spurningamerkið í byrjunarliði KR er hvort Finnur Orri Margeirsson eða Arnþór Ingi Kristinsson byrji á miðjunni með Pablo Punyed og Pálma Rafni Pálmasyni.

Hjá FH er líklegt að Eggert Gunnþór Jónsson spili sinn fyrsta leik en hann kom til félagsins á dögunum. Fótbolti.net spáir því að Eggert byrji í hjarta varnarinnar. Ólafur Karl Finsen kom á láni frá Val í vikunni en hann mun líklega byrja á bekknum.