Freuler er varnarsinnaður miðjumaður með góða sendingagetu. Hann á að stjórna spilinu á miðjunni og er sérstaklega góður að hafa hemil á tempói leikja.

Mynd: EPA

Sá nýjasti er enginn annar en Remo Freuler sem kemur úr röðum Atalanta þar sem hann var fyrirliði félagsins.

Freuler er þrítugur landsliðsmaður Sviss með 46 leiki að baki fyrir þjóð sína og 260 fyrir Atalanta.

Forest borgar 9 milljónir evra fyrir miðjumanninn sem átti aðeins ár eftir af samningi sínum og vildi prófa nýja áskorun eftir langa dvöl á Ítalíu.

Freuler hefur alltaf verið mikill áhugamaður um ensku úrvalsdeildina og er himinlifandi með að fá loks tækifæri til að spila í henni. 

Forest er búið að krækja sér í Cheikhou Kouyate og Emmanuel Dennis um helgina. Þar fyrir utan hafa meira en tíu leikmenn gengið í raðir félagsins í sumar.