Goretzka búinn að skrifa undir nýjan samning

Goretzka og Kimmich áttu báðir í launadeilum við þýska stórveldið sem og aðrir leikmenn og voru þá sérstaklega ósáttir við launapakka Leroy Sane sem þeir töldu ekki vera í samræmi við sinn eigin.

Hinn 26 ára gamli Goretzka hefur verið lykilmaður í liði Bayern undanfarin ár og á 117 leiki að baki fyrir félagið.

Goretzka þykir einn af betri miðjumönnum heims í dag og hefur skorað 14 mörk í 38 landsleikjum með Þýskalandi.