Bayern lenti undir í tvígang - Öruggt hjá Midtjylland

Bayern heimsótti Bayer Leverkusen og komust heimakonur yfir í tvígang en í bæði skiptin tókst Bæjörum að jafna. Staðan var 2-2 allt þar til hin nítján ára gamla Alara Sehitler setti sigurmarkið á lokamínútunum.

Bayern deilir toppsæti þýsku deildarinnar með Wolfsburg þar sem bæði lið eru með fullt hús stiga eftir fjórar fyrstu umferðir tímabilsins.

Í karlaflokki varði Elías Rafn Ólafsson mark Midtjylland í frábærum 4-1 sigri gegn Bröndby. Midtjylland er eina taplausa liðið í efstu deild danska boltans og situr í öðru sæti, með 18 stig eftir 8 umferðir. Elías og félagar eru þremur stigum á eftir toppliði FC Kaupmannahafnar.

Í efstu deild í Svíþjóð var Róbert Frosti Þorkelsson ekki í hóp hjá GAIS vegna meiðsla er liðsfélagar hans töpuðu 2-0 gegn Djurgården. GAIS er með 27 stig eftir 21 umferð, átta stigum frá fallsæti.

Leverkusen 2 - 3 Bayern

Midtjylland 4 - 1 Bröndby

Djurgarden 2 - 0 GAIS

Jong PSV 1 - 1 Jong AZ

Aalesund2 3 - 2 Spjelkavik