14.09.26 - 10:47
Víðir Sigurðsson
Hólmbert Friðjónsson er látinn
Hólmbert varð Íslandsmeistari með Keflavík 1964. Hér má sjá forsíðu Faxa frá þeim tíma.
Mynd: Faxi
Umfjöllun um Hólmbert úr Tímanum þegar hann þjálfaði Fram.
Mynd: Tíminn
Hólmbert varð Íslandsmeistari með Keflavík 1964. Hér má sjá forsíðu Faxa frá þeim tíma.
Mynd: Faxi
Hólmbert Friðjónsson fyrrverandi knattspyrnuþjálfari frá Keflavík er látinn, 85 ára að aldri.
Sonarsonur hans, Hólmbert Aron Friðjónsson, leikmaður Gwangju í Suður-Kóreu, skýrir frá andláti afa síns með innilegri kveðju á Facebook.
Sonarsonur hans, Hólmbert Aron Friðjónsson, leikmaður Gwangju í Suður-Kóreu, skýrir frá andláti afa síns með innilegri kveðju á Facebook.
Hólmbert fæddist 11. mars 1941 og hóf að leika með liði Keflvíkinga í efstu deild sautján ára gamall árið 1958. Hann lék með liðinu til 1965 og spilaði aftur með því 1968 og var í fyrsta Íslandsmeistaraliði Keflavíkur árið 1964. Þá lék hann níu af tíu leikjum liðsins í deildinni og skoraði tvö mörk. Samtals skoraði Hólmbert 11 mörk í 58 leikjum með Keflavíkurliðinu í efstu deild og var jafnframt í liðinu sem vann gömlu 2. deildina árið 1962.
Hólmbert lagði skóna á hilluna eftir tímabilið 1968 en var þá ráðinn þjálfari Keflavíkurliðsins, aðeins 28 ára gamall. Liðið hafði þá naumlega haldið sæti sínu í efstu deild en undir hans stjórn slógu Keflvíkingar rækilega í gegn árið 1969 og stóðu uppi sem Íslandsmeistarar.
Hann þjálfaði liðið áfram árið 1970 og þá endaði liðið í þriðja sæti, ásamt því að leika tvo eftirminnilega Evrópuleiki gegn enska liðinu Everton.
Hólmbert tók á ný við Keflavíkurliðinu árið 1977, þar sem það endaði í fimmta sæti, og þjálfaði síðan nágrannana í Njarðvík árið eftir þar sem litlu munaði að hann kæmi þeim upp í næstefstu deild í fyrsta skipti.
Hólmbert tók við liði Fram og stýrði því í þrjú ár, 1979 til 1981, og Fram varð bikarmeistari tvö fyrri árin undir hans stjórn. Liðið endaði í sjötta sæti á fyrsta ári Hólmberts en síðan í öðru sætinu tvö seinni árin.
Þá var Hólmbert ráðinn til KR, sem hafði naumlega forðast fall árið 1981. Hann sneri gengi liðsins við og það endaði í þriðja, öðru og fjórða sæti á árunum þremur undir hans stjórn.
Hólmbert sneri aftur til Keflavíkur og þjálfaði sitt gamla félag árin 1985 og 1986 en það endaði í fimmta sæti bæði árin. Síðasta starf hans hjá félagsliði var haustið 1989 þegar hann tók aftur við Keflavíkurliðinu í vonlítilli stöðu á botni efstu deildar og stýrði því í síðustu þremur leikjum tímabilsins þar sem litlu munaði að það héldi sæti sínu.
Hann stýrði liðum sínum samtals í 191 leik í efstu deild karla.
Síðasta starf Hólmberts sem þjálfara var árið 1991 þegar hann þjálfaði 21-árs landslið karla.
Kveðja Hólmberts Arons á Facebook:
Hólmbert lagði skóna á hilluna eftir tímabilið 1968 en var þá ráðinn þjálfari Keflavíkurliðsins, aðeins 28 ára gamall. Liðið hafði þá naumlega haldið sæti sínu í efstu deild en undir hans stjórn slógu Keflvíkingar rækilega í gegn árið 1969 og stóðu uppi sem Íslandsmeistarar.
Hann þjálfaði liðið áfram árið 1970 og þá endaði liðið í þriðja sæti, ásamt því að leika tvo eftirminnilega Evrópuleiki gegn enska liðinu Everton.
Hólmbert tók á ný við Keflavíkurliðinu árið 1977, þar sem það endaði í fimmta sæti, og þjálfaði síðan nágrannana í Njarðvík árið eftir þar sem litlu munaði að hann kæmi þeim upp í næstefstu deild í fyrsta skipti.
Hólmbert tók við liði Fram og stýrði því í þrjú ár, 1979 til 1981, og Fram varð bikarmeistari tvö fyrri árin undir hans stjórn. Liðið endaði í sjötta sæti á fyrsta ári Hólmberts en síðan í öðru sætinu tvö seinni árin.
Þá var Hólmbert ráðinn til KR, sem hafði naumlega forðast fall árið 1981. Hann sneri gengi liðsins við og það endaði í þriðja, öðru og fjórða sæti á árunum þremur undir hans stjórn.
Hólmbert sneri aftur til Keflavíkur og þjálfaði sitt gamla félag árin 1985 og 1986 en það endaði í fimmta sæti bæði árin. Síðasta starf hans hjá félagsliði var haustið 1989 þegar hann tók aftur við Keflavíkurliðinu í vonlítilli stöðu á botni efstu deildar og stýrði því í síðustu þremur leikjum tímabilsins þar sem litlu munaði að það héldi sæti sínu.
Hann stýrði liðum sínum samtals í 191 leik í efstu deild karla.
Síðasta starf Hólmberts sem þjálfara var árið 1991 þegar hann þjálfaði 21-árs landslið karla.
Kveðja Hólmberts Arons á Facebook:
Umfjöllun um Hólmbert úr Tímanum þegar hann þjálfaði Fram.
Mynd: Tíminn
