Fotbolti.net
14.10.15 - 17:28
Elvar Geir Magnússon

Kristján Guðmunds nýr þjálfari Leiknis (Staðfest)

Feldís Lilja Óskarsdóttir, formaður Leiknis, ásamt Kristjáni Guðmundssyni.

Feldís Lilja Óskarsdóttir, formaður Leiknis, ásamt Kristjáni Guðmundssyni.

Canon

Mynd: Heimasíða Leiknis

Kristján Guðmundsson hefur verið kynntur sem nýr þjálfari Leiknis en þetta var opinberað á heimasíðu Breiðholtsfélagsins rétt áðan.

Leiknir hafnaði í 11. sæti Pepsi-deildarinnar á liðnu sumri og féll því niður í 1. deild eftir árs dvöl meðal þeirra bestu. Freyr Alexandersson og Davíð Snorri Jónasson, sem stýrðu Leikni í sameiningu, tilkynntu eftir lokaumferðina að þeir hefðu ákveðið að stíga til hliðar.
Af heimasíðu Leiknis:
Kristján Guðmundsson hefur ritað undir samning þess efnis að hann taki við þjálfun meistaraflokks Leiknis fyrir komandi leiktíð. Kristján Guðmundsson er margreyndur þjálfari og mikill fengur fyrir félagið.

Kristján hefur þjálfað fjölda liða á Íslandi þar á meðal Keflavík, Þór og Val. Kristján þjálfaði einnig um tíma í færeysku úrvalsdeildinni lið HB.

Leiknir er virkilega ánægt með þessa niðurstöðu í þjálfaramálum og væntir mikils af samstarfinu. Kristján bjóðum við hjartanlega velkominn til starfa!
Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.