Ranieri: Ég er ennþá svo ungur

„Af hverju ekki? Ég er ennþá svo ungur og við góða heilsu," segir Ranieri. Hann stýrði Leicester til Englandsmeistaratitilsins sögufræga 2016.

„Fótbolti er mitt líf. Ef mér líður vel og er með neistann og orkuna til að gefa leikmönnum mínum þá held ég áfram."

Watford er fjórða úrvalsdeildarliðið á Englandi sem Ranieri stýrir. Hann var hjá Chelsea, Leicester og Fulham.

Ranieri fékk tveggja ára samning hjá Watford en hann þekkir vel ítölsku Pozzo fjölskylduna sem á félagið og hversu miskunnarlaus hún er þegar kemur að því að reka stjóra ef liðið stenst ekki þær miklu væntingar sem gerðar eru.

„Á Ítalíu er talið eðlilegt að skipta oft um þjálfara. Hér á Englandi er líka talsvert um breytingar, segir Ranieri.

Hann er feikilega vinsæll meðal enskra fjölmiðlamanna enda oft stutt í brosið og húmorinn á fréttamannafundum.

„Ég get hlegið eins mikið og ég vil. En ef ég vinn ekki leiki þá stoppar hláturinn."

Back to it! 👊 pic.twitter.com/wDq5gQAAMf

— Watford Football Club (@WatfordFC) October 14, 2021