Ítalska félagið Juventus fær nýtt nafn í nýjustu seríunni af Football Manager tölvuleiknum en félagið mun bera nafnið Zebre.
Konami, framleiðandi tölvuleiksins Pro Evolution Soccer, gerði samning við Juventus á síðasta ári og keypti þar með sérstakan rétt á öllu sem við kemur félaginu.
Það kom því mörgum á óvart er EA Sports gaf út FIFA 20 í september en þar ber Juventus nafnið Piemonte Calcio.
Prufuútgáfa af Football Manager er nú aðgengileg öllum en þar fær Juventus heitið Zebre sem vísar í liti félagsins. Þá heitir heimavöllur þeirra Zebre-Stadium.
Spilarar þurfa þó ekki að örvænta því leikmennirnir halda sínum nöfnum líkt og í FIFA-leiknum.
Athugasemdir