14 sóttu um starf í Hæfileikamótun
Eyjólfur Sverrisson hefur þjálfað U21 lið Íslands síðan 2009.
Þjálfaramál U21 árs landsliðs karla gætu skýrst fyrir jól að sögn Klöru Bjartmarz, framkvæmdastjóra KSÍ. Stjórnarfundur var hjá KSÍ í gær þar sem þjálfaramálin voru rædd.
Eyjólfur Sverrisson hefur þjálfað U21 landsliðið frá því árið 2009 en samningur hans rennur út um áramót. Ekki hefur verið gefið út hvort hann haldi áfram með liðið eða ekki.
Eyjólfur Sverrisson hefur þjálfað U21 landsliðið frá því árið 2009 en samningur hans rennur út um áramót. Ekki hefur verið gefið út hvort hann haldi áfram með liðið eða ekki.
U21 lið Íslands verður í riðli með Ítalíu, Svíþjóð, Írlandi, Armeníu og Lúxemborg í næstu undankeppni. Fyrsti leikur er gegn Lúxemborg þann 6. september á næsta ári.
Á stjórnarfundi KSÍ í gær var einnig rætt um ráðningu á nýjum manni sem yfirmaður Hæfileikamótunar N1 og KSÍ, en Þorlákur Árnason er að láta af störfum til að gerast yfirmaður knattspyrumála í Hong Kong.
14 aðilar sóttu um starfið og ráðningarferlið er í góðum farvegi.
Þá er mótanefnd KSÍ komin langt á veg með leikjaniðurröðun fyrir deildarkeppnina á Íslandi næsta sumar og líklegt er að hún geti birst fyrir jól að sögn Klöru.
Athugasemdir
