15.01.14 - 18:10
Magnús Már Einarsson
Nikica Jelavic til Hull (Staðfest)


Mynd: Getty Images


Mynd: Getty Images
Hull City hefur keypt framherjann Nikica Jelavic í sínar raðir frá Everton. Jelavic skrifaði undir þriggja og hálfs árs samning en talið er að kaupverðið hljóði upp á 6,5 milljónir punda.
,,Þetta er gott félag. Það tók mig ekki langan tíma að átta mig á að þetta væri rétti kosturinn fyrir mig,\" sagði Jelavic.
Þessi króatíski landsliðsmaður kom til Everton frá Rangers á 5,5 milljónir punda fyrir tveimur árum síðan en hann skoraði níu mörk í fyrstu þrettán leikjum sínum með félaginu og var valinn leikmaður mánaðarins í apríl 2012.
Síðan þá hefur hallað undan fæti en hann skoraði ekkert frá mars í fyrra þar til í byrjun mánaðarins þegar hann skoraði gegn QPR.
Jelavic verður líklega ekki eini framherjinn sem Hull fær í mánuðinum því félagið er einnig nálægt því að krækja í Shane Long frá WBA.
Þessi króatíski landsliðsmaður kom til Everton frá Rangers á 5,5 milljónir punda fyrir tveimur árum síðan en hann skoraði níu mörk í fyrstu þrettán leikjum sínum með félaginu og var valinn leikmaður mánaðarins í apríl 2012.
Síðan þá hefur hallað undan fæti en hann skoraði ekkert frá mars í fyrra þar til í byrjun mánaðarins þegar hann skoraði gegn QPR.
Jelavic verður líklega ekki eini framherjinn sem Hull fær í mánuðinum því félagið er einnig nálægt því að krækja í Shane Long frá WBA.
Heimild: BBC
