Marco van Ginkel, leikmaður Chelsea, spilaði sinn fyrsta keppnisleik í 32 mánuði á miðvikudag er PSV Eindhoven og AZ Alkmaar áttust við í Hollandi.
Van Ginkel er í láni hjá PSV frá Chelsea en þetta er þriðja lánsdvöl hans hjá félaginu frá 2016.
Hollendingurinn hefur verið mikið meiddur á ferlinum og kom hans síðasti aðalliðsleikur árið 2018 eða fyrir tæplega þremur árum.
Van Ginkel stóð sig afar vel tímabilið 2017/2018 og skoraði þá 21 deildarmark í 43 leikjum fyrir PSV.
Þessi 28 ára gamli leikmaður kom til Chelsea frá Vitesse árið 2013 en hefur nánast ekkert leikið fyrir þá bláklæddu.
PSV tapaði leiknum nokkuð óvænt 3-1 heima gegn AZ þar sem Albert Guðmundsson var í byrjunarliði þess síðarnefnda.
Marco van Ginkel played for PSV tonight, his first match for 32 months following a lengthy injury lay-off.
— Chelsea FC (@ChelseaFC) January 13, 2021
Congratulations and welcome back, Marco! 💪 pic.twitter.com/IY8jrzZ6pP
Athugasemdir