Johnstone er 28 ára gamall markmaður og lék með West Brom í úrvalsdeildinni í fyrra er liðið féll í Championship deildina.

Það eru góðar líkur á að Johnstone fari frá West Brom í sumar ef liðinu mistekst að tryggja sæti sitt í deild þeirra bestu á ný.

Johnstone var valinn leikmaður ársins 2020/2021 hjá West Brom og er orðaður við West Ham.

„Það var mikið talað í sumar en þetta bara fór ekki í gegn og við erum einbeittir í að komast aftur í úrvalsdeildina," sagði Johnstone.

„Ég sé þessar sögusagnir og það er ekkert sem ég get gert í þeim. Þetta er ekki í mínum höndum en ég vil fá að spila í úrvalsdeildinni á nýjan leik."