Allegri orðaður við Man Utd - Modric að framlengja við Real Madrid
banner
   mán 15. apríl 2024 19:07
Ívan Guðjón Baldursson
Ítalía: Albert skoraði í Flórens
Mynd: Getty Images
Mynd: Mummi Lú
Fiorentina 1 - 1 Genoa
0-1 Albert Guðmundsson ('42, víti)
1-1 Jonathan Ikone ('54)

Albert Guðmundsson var á sínum stað í byrjunarliði Genoa er liðið heimsótti Fiorentina í efstu deild ítalska boltans í dag.

Albert byrjaði þó neðar á vellinum heldur en vanalega og átti þöglan fyrri hálfleik allt þar til á lokamínútunum, þegar hann tók forystuna fyrir Genoa með marki úr vítaspyrnu.

Albert skoraði af gríðarlega miklu öryggi og leiddu gestirnir frá Genúa í leikhlé, en heimamenn í Flórens voru ekki lengi að jafna í síðari hálfleik.

Kantmaðurinn knái Jonathan Ikoné jafnaði metin á 54. mínútu og tókst hvorugu liði að bæta marki við leikinn í síðari hálfleik, þrátt fyrir yfirburði heimamanna.

Dómari leiksins ætlaði að dæma aðra vítaspyrnu fyrir Genoa í síðari hálfleik en hætti við eftir athugun í VAR. Þar hefði Albert fengið tækifæri til að skora sigurmark, en ekkert varð úr því og lokatölurnar 1-1.

Genoa siglir lygnan sjó um miðja deild á meðan Fiorentina er að dragast afturúr í baráttunni um Evrópusæti.

Albert er búinn að skora þrjú mörk í síðustu þremur deildarleikjum Genoa og er kominn með sjö mörk í fimm leikjum ef umspilsleikir íslenska landsliðsins gegn Ísrael og Úkraínu eru taldir með. Hann hefur í heildina komið að 18 mörkum í 31 leik með Genoa á tímabilinu.
Stöðutaflan Ítalía Serie A - karlar
  L U J T ms: mf: mun Stig
1 Inter 36 29 5 2 86 19 +67 92
2 Milan 37 22 8 7 73 46 +27 74
3 Bologna 36 18 13 5 51 27 +24 67
4 Juventus 36 18 13 5 49 28 +21 67
5 Atalanta 36 20 6 10 67 39 +28 66
6 Roma 36 17 9 10 63 44 +19 60
7 Lazio 36 18 5 13 47 37 +10 59
8 Fiorentina 36 15 9 12 55 42 +13 54
9 Torino 37 13 14 10 36 33 +3 53
10 Napoli 37 13 13 11 55 48 +7 52
11 Genoa 36 11 13 12 43 44 -1 46
12 Monza 36 11 12 13 39 48 -9 45
13 Lecce 37 8 13 16 32 54 -22 37
14 Verona 36 8 10 18 34 48 -14 34
15 Udinese 36 5 18 13 35 52 -17 33
16 Cagliari 36 7 12 17 38 65 -27 33
17 Frosinone 36 7 11 18 43 68 -25 32
18 Empoli 36 8 8 20 26 52 -26 32
19 Sassuolo 36 7 8 21 42 72 -30 29
20 Salernitana 36 2 10 24 28 76 -48 16
Athugasemdir
banner
banner
banner
banner