Daniel Ek, eigandi Spotify, hefur staðfest það að hann hafi gert tilboð í enska úrvalsdeildarfélagið Arsenal.
Ek er mikill stuðningsmaður Arsenal en fyrr á árinu gaf hann það út að áhugi á að kaupa félagið væri til staðar.
Nú hefur Ek staðfest það að hann hafi boðið í félagið í vikunni en eigendur Arsenal höfnuðu því um leið.
Samkvæmt Ek þá hafði Kroenke fjölskyldan ekki áhuga á hans peningum og vilja ekki selja félagið.
Svíinn tekur þó fram að hann sé enn áhugasamur og gæti lagt fram annað tilboð í framtíðinni ef félagið verður sett á sölu.
Stan og Josh Kroenke eru eigendur enska liðsins en þeir eru alls ekki vinsælir á meðal stuðningsmanna félagsins.
Following reports today I want to correct the record with attached statement pic.twitter.com/CzfF0Y76K4
— Daniel Ek (@eldsjal) May 15, 2021
Athugasemdir