Íslenska kvennalandsliðið vann sanngjarnan sigur á Laugardalsvelli í dag er liðið mætti Írlandi í æfingaleik.

Um var að ræða annan leik liðanna á stuttum tíma en Ísland vann fyrri leik liðanna með markatölunni 3-2.

Annar sigur var á boðstólnum í dag en íslenska liðið skoraði tvö mörk gegn engu frá gestunum.

Berglind Björg Þorvaldsdóttir gerði fyrra mark Íslands á 53. mínútu eftir undirbúning Andreu Rán Snæfeld Hauksdóttur.

Á 83. mínútu skoraði Ísland sitt annað mark er Karólína Lea Vilhjálmsdóttir skoraði laglegt mark til að gulltryggja sigurinn.

Niðurstaðan 2-0 sigur fyrir framan rúmlega 700 áhorfendur í Laugardal.