Gregg Ryder, þjálfari Þróttar.
„Ég er vonsvikinn, mér fannst við geta unnið þennan leik í dag," sagði Gregg Ryder þjálfari Þróttar, eftir marklaust jafntefli gegn Haukum á Gaman Ferða vellinum í dag.
Lestu um leikinn: Haukar 0 - 0 Þróttur R.
„Við komum inn í hálfleik eftir að hafa stjórnaði leiknum og fengið urmul af færum til að skora. Í seinni hálfleik fengum við líka færi og ég er vonsvikinn með að hafa ekki tekið sigur í dag því við hefðum svo sannarlega geta gert það."
„Ég meina við sköpuðum okkur fullt af færum og eitt að því sem ég sagði í hálfleik var að ef við höldum hreinu þá vinnum við þennan leik, því að við skorum alltaf. Ég veit ekki hvort það hafi verið eitthvað kæruleysi eða of mikið sjálfstraust fyrir framan markið en mér fannst við vera flækja hlutina of mikið. Stundum var það að einhver sem gat klárað færið tók aukasnertingu, kannski bara ekki okkar dagur fyrir framan markið og það gerist stundum en það gerir þetta ekkert minna pirrandi."
„Það jákvæða sem við tökum frá þessum leik er að við komum á útivöll og náum í stig. Við erum ósigraðir í síðustu fjórum leikjum og það mjög erfiðum leikjum. Við héldum hreinu, vorum góðir varnarlega en bara pirrandi að ná ekki í öll þrjú stigin."
„Það skiptir engu máli hvað gerist hjá öðrum liðum. Þetta er algjörlega 100% undir okkur sjálfum komið. Hvað gerist í lok leiktíðar, hversu mörg stigum við höfum þá skiptir máli. Það skiptir engu máli hvað Fylkir og Keflavík gera, þetta snýst bara um okkur."
„Augljóslega erum við með sterkan hóp núna, ef einhver verður á lausu sem við teljum að geti styrkt okkur þá erum við alltaf opnir fyrir því en það er ekkert í pípunum eins og er. Allir hafa sitt hlutverk í liðinu og ég sé ekki að það sé heldur enginn á förum."
Viðtalið í heild sinni má sjá í spilaranum hér að ofan.
