Malen, Maguire, Rashford, Greenwood, Yoro, Eriksen og fleiri góðir í slúðri dagsins
banner
   sun 15. september 2019 07:30
Guðmundur Aðalsteinn Ásgeirsson
Meiðsli að stríða Andra mikið í upphafi tímabils
Mynd: Getty Images
Sóknarmaðurinn Andri Rúnar Bjarnason hefur verið mjög óheppinn með meiðsli í upphafi tímabils í Þýskalandi.

Andri Rúnar gekk í raðir Kaiserslautern í þýsku C-deildinni í sumar. Hann kom frá sænska félaginu Helsingborg. Andri var markakóngur í sænsku B-deildinni í fyrra og dró vagninn er Helsingborg komst upp í efstu deild. Hann skoraði 16 mörk í 27 leikjum á síðasta tímabili og var kominn með 3 mörk í 8 leikjum í efstu deild áður en hann gekk í raðir Kaiserslautern.

Hinn 28 ára gamli Andri hefur ekkert getað spilað með Kaiserslautern það sem af er tímabili vegna meiðsla.

Hann var að koma til baka úr þeim meiðslum sem hafa verið að hrjá hann þegar hann varð fyrir hnjaski á æfingu í liðinni viku. Hann meiddist á ökkla.

Það er því eitthvað í að hann snúi aftur á fótboltavöllinn.
Athugasemdir
banner
banner
banner