Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
   mið 15. september 2021 07:00
Guðmundur Aðalsteinn Ásgeirsson
Frábær byrjun Maríu - Í liði vikunnar
María Þórisdóttir.
María Þórisdóttir.
Mynd: Getty Images
Varnarmaðurinn María Þórisdóttir hefur farið stórkostlega af stað á nýju tímabili með stórliðinu Manchester United.

María yfirgaf Chelsea á miðju síðasta tímabili og gekk þá í raðir Man Utd, sem er eitt stærsta fótboltafélag í heiminum - rétt eins og Chelsea.

María hefur byrjað fyrstu tvo leiki Man Utd á tímabilinu og skoraði hún í síðasta leik gegn Leicester, í 1-3 sigri. Hún átti stórkostlegan leik eins og sjá má á tölfræðinni hér að neðan.

María komst í lið vikunnar hjá Her Football Hub sem er vefsíða sem fjallar um kvennaboltann. Hún er ásamt Vivianne Miedema, markamaskínunni sem mun koma hingað til lands í vikunni fyrir leik Hollands og Íslands í undankeppni HM í næstu viku. Miedema spilar með Arsenal og hollenska landsliðinu.

María er hálfíslensk; faðir hennar er handboltaþjálfarinn Þórir Hergeirsson. María spilar með norska landsliðinu.



Athugasemdir
banner
banner
banner