15.09.21 - 09:35
Elvar Geir Magnússon
Pele segir sig vera kláran í 90 mínútur og framlengingu
Pele var magnaður markaskorari.
Mynd: Getty Images
Pele var magnaður markaskorari.
Mynd: Getty Images
Brasilíumaðurinn Pele, einn besti leikmaður sögunnar, segist vera á mjög góðum batavegi en búið er að flytja hann af gjörgæslu. Hann gekkst undir skurðaðgerð á Albert Einstein sjúkrahúsinu í Sao Paulo þar sem æxli var fjarlægt úr ristli hans.
Pele er 80 ára gamall en á sínum tíma varð hann þrívegis heimsmeistari með Brasilíu.
Pele er 80 ára gamall en á sínum tíma varð hann þrívegis heimsmeistari með Brasilíu.
Í færslu á Instagram þakkar hann aðdáendum fyrir stuðninginn og kveðjurnar sem hann hefur fengið.
„Ég byrja hvern dag af meiri ánægju. Ég tel mig vera klár í að spila 90 mínútur, auk framlengingar. Við verðum saman á ný bráðlega," skrifaði hann.
Heilsa Pele hefur verið talsvert til umfjöllunar síðustu ár en sonur hans sagði frá því í viðtali á síðasta ári að faðir sinn skammaðist sín fyrir að geta ekki gengið án stuðnings og færi því varla úr húsi.
„Ég byrja hvern dag af meiri ánægju. Ég tel mig vera klár í að spila 90 mínútur, auk framlengingar. Við verðum saman á ný bráðlega," skrifaði hann.
Heilsa Pele hefur verið talsvert til umfjöllunar síðustu ár en sonur hans sagði frá því í viðtali á síðasta ári að faðir sinn skammaðist sín fyrir að geta ekki gengið án stuðnings og færi því varla úr húsi.
