15.09.25 - 06:00
Ívan Guðjón Baldursson
Raphinha byrjaði ekki því hann mætti seint á æfingu
Rashford átti stoðsendingu
Mynd: EPA
Mynd: EPA
Brasilíski kantmaðurinn Raphinha var ekki í byrjunarliði Barcelona sem tók á móti Valencia í spænsku deildinni í kvöld.
Hann mætti seint á æfingu og ákvað Hansi Flick að refsa honum með að taka hann úr byrjunarliðinu. Þetta gerði hann þrátt fyrir meiðsli Lamine Yamal.
Roony Bardghji og Marcus Rashford byrjuðu því á köntunum hjá Barcelona og var staðan 1-0 í leikhlé, eftir mark frá Fermín López.
Raphinha fékk að koma inn í hálfleik fyrir Bardghji og átti hann eftir að skora tvennu í 6-0 sigri.
Rashford lagði upp fyrir Raphinha á 53. mínútu og var svo skipt af velli á 68. mínútu, fyrir Dani Olmo.
Robert Lewandowski kom inn á 68. mínútu og skoraði tvennu eftir undirbúning frá varamönnunum Olmo og Marc Bernal.
Raphinha er 28 ára gamall og er kominn með 3 mörk og 1 stoðsendingu í 4 leikjum á tímabilinu.
Þetta var fyrsti leikur Bardgji með Barcelona en fjórði leikurinn hans Rashford.
Roony Bardghji og Marcus Rashford byrjuðu því á köntunum hjá Barcelona og var staðan 1-0 í leikhlé, eftir mark frá Fermín López.
Raphinha fékk að koma inn í hálfleik fyrir Bardghji og átti hann eftir að skora tvennu í 6-0 sigri.
Rashford lagði upp fyrir Raphinha á 53. mínútu og var svo skipt af velli á 68. mínútu, fyrir Dani Olmo.
Robert Lewandowski kom inn á 68. mínútu og skoraði tvennu eftir undirbúning frá varamönnunum Olmo og Marc Bernal.
Raphinha er 28 ára gamall og er kominn með 3 mörk og 1 stoðsendingu í 4 leikjum á tímabilinu.
Þetta var fyrsti leikur Bardgji með Barcelona en fjórði leikurinn hans Rashford.
TENGT EFNI
