Fotbolti.net
16.02.17 - 12:44
Magnús Már Einarsson

Hafþór Þrastar í Selfoss (Staðfest)

Hafþór í leik með Selfossi árið 2012.

Hafþór í leik með Selfossi árið 2012.

Canon

Mynd: Fótbolti.net - Hafliði Breiðfjörð

Selfoss hefur fengið varnarmanninn Hafþór Þrastarson til liðs við sig fyrir átökin í Inkasso-deildinni í sumar.

Hinn 26 ára gamli Hafþór þekkir til á Selfossi en hann var í láni hjá félaginu frá FH síðari hluta tímabils árið 2012. Þá spilaði hann sex leiki í Pepsi-deildinni með Selfyssingum.
Hafþór spilaði með Fram á síðasta tímabili en hann fór frá félaginu í haust. Hann hefur einnig leikið með Fjarðabyggð, Haukum og KA á ferli sínum.

Undanfarnar vikur hefur Hafþór æft með Selfyssingum og spilað með liðinu í Fótbolta.net mótinu.

„Hafþór er gríðarlega hraður og agressívur leikmaður en einnig sterkur leiðtogi sem kemur til með að styrkja hópinn innan sem utan vallar,\" segir á heimasíðu Selfyssinga.

Hafþór verður kominn með leikheimild með Selfyssingum fyrir leikinn gegn KR í Lengjubikarnum á sunnudag.
Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.