„Er ekki hópurinn alltaf lifandi skjal?"

Sigurbjörn Hreiðarsson, þjálfari Grindavíkur, var í viðtali við Fótbolta.net í gær eftir sigur á HK í Lengjubikarnum. Bjössi var spurður út í leikmannamarkaðinn. Grindavík hefur nú þegar fengið Guðmund Magnússon og Sindra Björnsson inn í hópinn.

Sjá einnig:
Bjössi Hreiðars: Gott að venjast því að vinna leiki

Stefna Grindvikingar á frekari leikmannastyrkingar? „Er ekki hópurinn alltaf lifandi skjal?"

„Ef það býðst einhver geggjaður leikmaður þá skoðar maður það en við erum ekki hringjandi í alla og heimta leikmenn eða skoðandi hvern einasta tölvupóst frá hverjum einasta umboðsmanni í Evrópu. Það er ekki svoleiðis," sagði Bjössi við Fótbolta.net í gær.