Manchester United spilar gegn Barcelona á Nývangi í seinni leik liðanna í 8-liða úslitum Meistaradeildarinnar klukkan 19:00. Fyrri leikurinn á Old Trafford endaði 1-0 fyrir Barcelona.
Ole Gunnar Solskjær, stjóri United á góðar minningar frá Nývangi. Hann skoraði sigurmarkið þar í úrslitaleik Meistaradeildarinnar 1999 eftir ótrúlega endurkomu Man Utd gegn Bayern München.
Í kvöld vonast Solskjær til þess að búa til frábærar minningar á Nývangi sem knattspyrnustjóri.
Ole Gunnar Solskjær, stjóri United á góðar minningar frá Nývangi. Hann skoraði sigurmarkið þar í úrslitaleik Meistaradeildarinnar 1999 eftir ótrúlega endurkomu Man Utd gegn Bayern München.
Í kvöld vonast Solskjær til þess að búa til frábærar minningar á Nývangi sem knattspyrnustjóri.
Man Utd vann West Ham 2-1 um liðna helgi en frammistaðan í þeim leik var langt frá því að vera góð. Solskjær gerir fjórar breytingar frá þeim leik.
Lindelöf, Young, McTominay og Rashford koma inn í byrjunarliðið. Þrír miðverðir eru í byrjunarliði United. Ashley Young leikur væntanlega í vinstri bakverði, en það er spurning hver er í hægri bakverði.
Alexis Sanchez og Nemanja Matic eru á varamannabekknum hjá United.
Barcelona gerir eina breytingu frá fyrri leiknum á Old Trafford. Sergi Roberto kemur inn í byrjunarliðið fyrir Nelson Semedo.
Byrjunarlið Barcelona: Ter Stegen, Sergi Roberto, Pique, Lenglet, Alba, Busquets, Arthur, Rakitic, Coutinho, Messi, Suarez.
(Varamenn: Cillessen, Semedo, Umtiti, Vidal, Alena, Dembele, Malcom)
Byrjunarlið Man Utd: De Gea, Jones, Smalling, Lindelöf, Young, Fred, McTominay, Pogba, Lingard, Martial, Rashford.
(Varamenn: Romero, Dalot, Pereira, Matic, Mata, Sanchez, Lukaku)
Good luck lads 💪🏼🔴 #mufc
— Wayne Rooney (@WayneRooney) April 16, 2019
De Jong klár í slaginn
Í hinni viðureign kvöldsins eigast Juventus og Ajax við á Ítalíu. Ajax hefur komið mjög á óvart í Meistaradeildinni á þessari leiktíð. Heldur ævintýrið áfram hjá hollenska félaginu?
Fyrri leikurinn í Hollandi endaði með 1-1 jafntefli.
Frenkie de Jong er klár í slaginn hjá Ajax. Hann var tæpur vegna meiðsla en spilar. Hjá Juventus byrja Dybala, Emre Can og Ronaldo.
Báðir leikirnir hefjast klukkan 19:00.
Byrjunarlið Juventus: Szczesny, De Sciglio, Bonucci, Rugani, Alex Sandro, Pjanic, Matuidi, Emre Can, Bernardeschi, Dybala, Ronaldo.
Byrjunarlið Ajax: Onana, Mazraoui, Veltman, De Ligt, Blind, Van De Beek, Schöne, De Jong, Ziyech, Neres, Tadic.
Athugasemdir