Anna Björk gerði garðinn frægan með Stjörnunni og íslenska landsliðinu áður en hún hélt erlendis. Hún lék fyrir Örebro og Bunkeflo og skipti svo yfir til PSV.

Hjá Selfossi gengur Anna Björk til liðs við stöllur sínar úr landsliðinu þær Hólmfríði Magnúsdóttur og Dagnýju Brynjarsdóttur.

„Um leið og ég fór að tala við þjálfarana og fólkið í kringum liðið á Selfossi þá heyrði ég hvað það er mikill metnaður hérna og það heillaði mig. Það tala allir vel um Selfoss og það eru skýr markmið og mikill uppgangur hjá liðinu," sagði Anna Björk við undirritunina.

„Síðan ég fór erlendis að spila hef ég alltaf fylgst vel með Pepsi Max deildinni og veit hvað er í gangi hérna þannig að ég er mjög spennt að spila aftur á Íslandi. Um leið og það kom í ljós að ég væri ekki að fara út aftur þá er ég búin að telja niður mínúturnar að komast aftur út á völlinn. Um leið og maður fer af stað aftur finnur maður hvað fótboltinn hefur mikla þýðingu fyrir mann. Það er mikill hugur í mér og ég hlakka til að taka slaginn hérna á Selfossi.“

Selfoss vann Mjólkurbikarinn í fyrra og mun Anna Björk reynast mikill liðsstyrkur.

Anna Björk er þrítugur miðvörður með 43 A-landsleiki að baki.