Fotbolti.net
16.06.14 - 22:49
Magnús Már Einarsson

Aron Jó fyrsti Íslendingurinn til að spila á HM (Staðfest)

Aron Jóhannsson.

Aron Jóhannsson.

Canon

Mynd: Getty Images

Fótbolti.net
Aron Jóhannsson varð í kvöld fyrsti Íslendingurinn til að spila á HM þegar hann kom inn á sem varamaður í leik Bandaríkjanna og Gana.

Jozy Altidore tognaði aftan í læri og Aron kom inn á fyrir hann á 23. mínútu leiksins.

Aron fæddist í Bandaríkjunum og ákvað í fyrra að leika fyrir hönd bandaríska landsliðsins frekar en þess íslenska.

Nánast allan sinn feril í yngri flokkunum spilaði Aron með Fjölni í Grafarvogi og þar steig hann sín fyrstu skref í meistaraflokki áður en danska félagið AGF keypti hann árið 2011.
Í fyrra keypti hollenska félagið AZ Alkmaar síðan Aron í sínar raðir.

Aron á eflaust eftir að koma talsvert meira við sögu á HM en Bandaríkjamenn mæta Portúgal á sunnudag og Þýskalandi í næstu viku.

Staðan í hálfleik í leik Gana og Bandaríkjanna er 1-0 fyrir Bandaríkjamönnum en Clint Dempsey skoraði markið á fyrstu mínútu leiksins.
Taktu þátt í HM-umræðunni á Facebook! Smelltu hér til að fara á heimasvæði Fótbolta.net á Facebook þar sem oft skapast líflegar umræður um boltann.
Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.