Fotbolti.net
16.07.14 - 14:52
Elvar Geir Magnússon

Djúpmenn fá Bandaríkjamann og Kólumbíumann (Staðfest)

Sigurgeir Sveinn Gíslason leikur ekki meira á tímabilinu.

Sigurgeir Sveinn Gíslason leikur ekki meira á tímabilinu.

Canon

Mynd: Fótbolti.net - Hafliði Breiðfjörð

Það eru hræringar í leikmannahópi BÍ/Bolungarvíkur en liðið er í fallsæti í 1. deildinni með ellefu stig eftur ellefu leiki.
„Ljóst er að stigasöfnunin þarf að vera meiri í seinni umferðinni en þrátt fyrir það er engan bilbug að finna á liðinu. Spilamennskan hefur batnað til muna í síðustu leikjum,\" segir á heimasíðu félagsins.

Tveir erlendir leikmenn eru komnir til Djúpmanna; markvörðurinn bandaríski Philip Saunders og framherjinn kólumbíski Esteban Bayona. Saunders er 23 ára og kemur úr bandaríska háskólaboltanum. Bayona hefur undanfarin ár leikið í Bandaríkjunum.

Eins og við sögðum frá er Mark Tubæk á leið heim til Danmerkur og þá er ljóst að fyrirliðinn Sigurgeir Sveinn Gíslason spilar ekki meira á tímabilinu vegna kviðslits. Fyrir á meiðslalistanum var Gunnar Már Elíasson sem sleit krossbönd í fyrra.

Þá er Fabian Broich, markvörður, sem vermt hefur varamannabekkinn í fyrri umferðinni farinn til síns heima.

Heimild: bibol.is

Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.