Man Utd samdi við Cavani undir lok gluggans en hann kom á frjálsri sölu eftir að hafa verið á mála hjá franska stórliðinu Paris Saint-Germain.

Cavani er 33 ára gamall en hann gerði 200 mörk í 301 leik fyrir PSG og eru væntingarnar miklar. Forlan segir að stuðningsmenn United þurfi þó ekki að hafa áhyggjur því að Cavani eldist jafnvel og Zlatan, sem er 39 ára gamall og enn að raða inn mörkum í Seríu A.

„Edinson er enn frábær leikmaður og mjög öflug félagaskipti hjá Man Utd, svipað og með Zlatan. Hann er þessi týpa af leikmanni og það sést bara hvernig hann æfir og spilar leikinn. Hann mun hafa góð áhrif á ungu leikmennina," sagði Forlan.

„Hann er sigurvegari, fæddur markaskorari og hefur unnið marga titla. Hann hefur skorað mikið hjá öllu félögum sem hann hefur spilað með og leggur líka upp mörk. Cavani er sterkur og það mun henta vel í enska boltanum."