Fotbolti.net
17.01.22 - 11:00
Elvar Geir Magnússon

Víkingur Ó. fær leikmann sem var í akademíu Chelsea (Staðfest)

Reece Mitchell skrifar undir.

Reece Mitchell skrifar undir.

Canon

Mynd: Víkingur Ó.

Víkingur Ólafsvík hefur samið við enska kantmanninn Reece Mitchell um að leika með liðinu í 2. deild í sumar.

Ólafsvíkurliðið féll úr Lengjudeildinni í fyrra en Guðjón Þórðarson heldur áfram um stjórnartaumana og fær það verkefni að stýra liðinu aftur upp í B-deildina.
Reece er 26 ára og samkvæmt tilkynningu Ólafsvíkurliðsins þykir hann mjög hraður og áræðinn.

Hann er uppalinn í akademíu Chelsea á Englandi og hefur spilað þónokkuð í neðri deildum Englands, þar á meðal í þriðju efstu deild. Seinast lék hann í Belgíu.

„Reece var hér á landinu um helgina og er væntanlegur aftur til landsins í febrúar. Við bjóðum Reece velkominn til Ólafsvíkur," segir í tilkynningu.

Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.