Murielle Tiernan er besti leikmaður í 3. umferð Pepsi Max-deildar kvenna. Hún lagði upp bæði mörkin í fyrsta sigri Tindastóls í efstu deild. Liðið vann 2-1 sigur á ÍBV á Sauðárkóki á laugardag. Hún var valin maður leiksins og nú leikmaður umferðarinnar.

Murielle er bandarísk sóknarkona sem leikið hefur á Íslandi frá sumrinu 2018. Hún var best í 2. deild árið 2018, best í Inkasso deildinni 2019 og best í Lengjudeildinni í fyrra.

„Murielle var langmarkahæst í deildinni í sumar með 25 mörk. Þetta var hennar þriðja tímabil á Íslandi og öll tímabilin hefur hún verið markahæst í sinni deild og fengið öll möguleg atkvæði í lið ársins og sem leikmaður ársins. Þrjú ár í röð! Loksins, loksins fáum við að sjá hana spila í efstu deild en hún framlengdi á dögunum samning sinn við Tindastól og tekur slaginn í Pepsi Max næsta sumar," var skrifað um Murielle eftir síðasta tímabil.