Lið vikunnar í enska - Þrír bikarmeistarar

Þrátt fyrir að Alisson hafi skorað dramatískt sigurmark Liverpool gegn West Brom með frábærum skalla þá er hann ekki markvörðurinn í úrvalsliði vikunnar sem Garth Crooks hjá BBC setti saman. Í rammanum er Kasper Schmeichel sem varði mark Leicester sem vann bikarmeistaratitilinn í fyrsta sinn í sögu félagsins með því að leggja Chelsea 1-0 í úrslitaleik á Wembley.

Manchester City vann 4-3 sigur gegn Newcastle í ótrúlegum leik, Tottenham lagði Úlfana, Crystal Palace kom til baka og lagði Aston Villa í skemmtilegum leik og Leeds rúllaði yfir Burnley 4-0. Southampton lagði Fulham, Sheffield United vann Everton og jafntefli varð niðurstaðan í leik Brighton og West Ham.

Markvörður: Kasper Schmeichel (Leicester City) - Fyrirliðinn átti tvær stórkostlegar vörslur þegar Leicester hampaði bikarnum.

Mynd: EPA

Varnarmaður: Trent Alexander-Arnold (Liverpool) - Á stórhættulegar spyrnur og það var hornspyrna hans sem fann höfuðið á Alisson.

Mynd: Getty Images

Varnarmaður: Caglar Söyuncu (Leicester City) - Tyrkneski varnarmaðurinn var framúrskarandi á Wembley.

Mynd: EPA

Varnarmaður: John Egan (Sheffield United) - Eins og klettur gegn Everton.

Mynd: EPA

Miðjumaður: Kalvin Phillips (Leeds United) - Hjartað í spilamennsku Leeds gegn Burnley.

Mynd: EPA

Miðjumaður: James Ward-Prowse (Southampton) - Besti leikmaður Dýrlinganna á tímabilinu var feikilega skapandi um helgina.

Mynd: EPA

Miðjumaður: Dele Alli (Tottenham) - Minnti á gamla tíma um helgina!

Mynd: Getty Images

Miðjumaður: Youri Tielemans (Leicester City) - Skoraði sigurmarkið í bikarúrslitaleiknum og það var af dýrari gerðinni.

Mynd: EPA

Sóknarmaður: Mohamed Salah (Liverpool) - Skoraði sitt 125. mark fyrir Liverpool.

Mynd: EPA

Sóknarmaður: Roberto Firmino (Liverpool) - Frábær gegn Manchester United á fimmtudag.

Mynd: Getty Images

Sóknarmaður: Ferran Torres (Manchester City) - Fékk að eiga boltann eftir að hafa gert þrennu gegn Newcastle.

Mynd: EPA